4 fevral 2010

İqtisadi Əməkdaşlıq Təşkilatının (İƏT) üzvü olan ölkələrin səhiyyə nazirlərinin birinci iclası işə başlamışdır

Bu gün Bakıda İqtisadi Əməkdaşlıq Təşkilatının (İƏT) üzvü olan ölkələrin səhiyyə nazirlərinin birinci iclası işə başlamışdır.

İclasda 10 ölkənin səhiyyə naziri iştirak edir.

Azərbaycanın səhiyyə naziri Oqtay Şirəliyev, İƏT-in baş katibi Məhəmməd Yəhya Marufi iclasda təbrik nitqi ilə çıxış etməşlər.

Toplantıda səhiyyənin bu günü ekspertlər səviyyəsində müzakirə olunub. İclasın birinci günü başa catdıqdan sonra qonaqlar paytaxtın bir sıra tibb mərkəzlərində olacaq, orada xəstələr ücün yaradılmış şəraitlə tanış olacaqlar.

Forum sabah da öz işini davam etdirəcək. Forumun yekunlarına əsasən Bakı Bəyannaməsi qəbul ediləcəkdir.Toplantı mətbuat nümayəndələri ücün acıq olacaq.

Mətbuat Xidmətinin məlumatı